(2)
(0)
收藏
生活呢，原来就是淡叽呱嗒一杯水，放一点盐，伊就是咸咯；放一点糖，伊就是甜的；放一点咖啡，伊就是苦咯；放一点茶，伊就是香咯。侬想调成啥咪道呢？呵呵，全凭侬自己喜欢啊
假使吾碰着迭样咯男人：伊奈微信密码告诉吾，银行密码告诉吾，冬天肯让吾把手捂了伊胸口里，肯让吾随时翻伊手机，过马路时拉牢吾手，勿先挂吾电话，勿哇啦哇啦对吾讲话，陪吾兜马路勿讲沙度......吾马上就呱啦松脆告诉伊：吾要嫁巴侬......
洋盘嘀嗒女人盯牢男人缺点，老是生气！聪明女人欣赏男人优点，邪气开心。洋盘兮兮女人勿分场合帮男人寻相骂，弄得男人忒足招势。聪明女人在场面浪厢把足男人面子，窝里厢再辣辣叫绞伊路子。其实呢，比低男人就是比低侬自家。聪明女人呢，要学会赞赏男人，炫耀伊就是炫耀侬自家嘛
侬当了一个芝麻绿豆小经理，就神之糊之，脚翘黄天宝！侬好好叫魂灵生进，勿要以为文凭就是能力；勿要以为权力就是威望；勿要以为地位就是尊严；勿要以为工作就是开会；勿要以为批评就是攻击；勿要以为监督就是寻齁势；勿以为马屁就是忠心
谈恋爱啊，就好比等叉头，看到叉头龌龊巴拉就勿上；看到叉头勿开空调又勿上，看到叉头颜色勿称心又勿上，一直等到天墨嚓里黑，急么急煞忒，看到叉头过来就来煞勿及钻进去了，奈么要死，上了部黑车，让伊辣辣叫斩一刀，心里厢挖塞得勿得了
我也说两句
沪公网安备 31010602000361号
